Plantun de Prouvènço

Pèr coumpara dos planto d'encò nostre

Ceratocephala falcata & Vicia lutea

Tas

Ceratocephala falcata

Ranunculaceae

Noms en français : Cératocéphale en faux, Renoncule en faux.

Descripcioun :
Curiouso planto, curious noum aquéu tas que trachis, souvènt en group, dins li meissoun e ermas d'Auto Prouvènço. Lou tas èi pas bèn grand (10 cm), d'un verd clar, emé de noumbróusi fueio en rouseto di proun descoupado en ventau. Li flour soun d'un jaune clar e fan de gròssis espigo (fin qu'à 4 cm) que sèmblon espinouso emé sis akène en formo de daio (falcatus). Flouris d'ouro, tre la debuto de mars.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 12 cm
Fueio : basalo
Tipe bioulougico : Teroufite
Cicle bioulougico : Planto de l'an

Gènre : Ceratocephala
Famiho : Ranunculaceae

Ordre : Ranunculales

Coulour de la flour : Jauno
Petalo : >6
Ø (o loungour) flour : 2 à 6 mm
Flourido : Printems Ivèr

Sòu : Ca
Autour basso e auto : 0 à 1300 m
Aparado : Noun
Remarco : Arquéofito
Mars à mai

Liò : Meissoun - Ermas - Champ
Estànci : Mesoumediterran à Mountagnard
Couroulougi : Éurasiatico
Ref. sc. : Ceratocephala falcata (L.) Pers., 1805 (= Ranunculus falcatus L., 1753 )

Corso

Vicia lutea

Fabaceae Leguminosae

Àutri noum : Maucho, Corno-biòu, Cornabiòu.

Nom en français : Vesce jaune.

Descripcioun :
Lou corso es uno vesso pulèu coumuno que trachis à la primo dins li prado, lis ermas e li baragno. Li flour soun groupado de uno à tres e sènso pecou. Lis estipulo porton de glando bourdado de negre e pounchudo, que se vèson bèn (fotò). Se destrìo de Vicia hybrida, mai coumuno, que soun estendart èi pas pelous (fotò), au contro di dòusso (2 à 4 cm), subretout eici pèr la varieta hirta. Coumpara emé lou corno-biòu que ié sèmblo e qu'èi mai jauno.

Usanço :
Ramenten qu'èi pas counseia de manja de grano de vesso, que soun empouisounanto e dounon uno malautié néuroulougico, lou latirisme (presènci d'ODAP).